放假想享受釣魚之樂，但唔知去邊間漁場好？今次 ReUbird 小編會爲大家推介香港五大漁場，讓新手亦能輕鬆享受釣魚的樂趣，總有一間適合你！
小編會順序介紹：
好姐釣魚場
波叔鴨仔坑釣魚場
樂逍遙漁場
水中天休閒釣魚會
滘西灣休閒垂釣樂園
1.好姐釣魚場
好姐釣魚場位於元朗下白泥，塘面寬闊，其特色之處在於魚類多不勝數，由於處於鹹淡水交界，黃鱲䱽、青斑、頭鱸、紅鮪、星鱸、石蚌同烏頭等等都可以喺度釣到。
一邊享受釣魚嘅樂趣一邊睇住日落，特別有feel~
（圖片來源：好姐釣魚場）
釣到嘅魚可以買走，每種魚嘅價錢都唔同，由幾十蚊到百幾蚊一斤不等。就算唔買都可以影張相，影完記得放返落魚塘啊~
地址：元朗流浮山下白泥（查看地圖）
營業時間： 09:00 - 21:00
費用：$80 / 位（租魚桿+$20）
電話：2472 3508
詳情：好姐釣魚場
Facebook：按此
前往方法：元朗市乘33號專線小巴／西鐵天水圍站中途上車，到達門口。
2.波叔鴨仔坑釣魚場
漁場同樣位於下白泥附近，屬於鹹水魚場。除咗提供日釣同夜釣之外，仲設有燒烤場，俾你同時享受釣魚同燒烤之樂。
現場會有專人教你釣魚方法，大大提升釣大魚嘅機會！
（圖片來源：鴨仔坑（波叔）釣魚場）
如果想知道有關釣魚嘅知識，可以問場主波叔，佢會好nice咁解答大家㗎~
地址：元朗流浮山下白泥村鴨仔坑（查看地圖）
營業時間： 08:00 - 21:00
費用：入場費$100 / 位（租魚桿+$20）、7歲以下免費入場
電話：2472 6134
詳情：鴨仔坑（波叔）釣魚場
Facebook：按此
前往方法：元朗乘33號下白泥專線小巴／西鐵天水圍站中途上車，到達門口。
３.樂逍遙漁場
除咗以上兩間漁場之外，樂逍遙漁場亦位於元朗流浮山附近。釣魚場魚類豐富，包括桂花、鱸魚、盲曹、黃鱔、白鱔、桂花鱸、加州鱸、鯉魚、鯇魚等等。
（圖片來源：逍遙淡水釣魚場）
場內設有有蓋燒烤場，大家可以自備食物到場，同朋友一齊享受燒烤樂趣~ 釣完魚之後仲可以欣賞下白泥附近嘅日落景緻。
地址：元朗 流浮山 上白泥村 154號（查看地圖）
營業時間：08:00 - 20:00
費用： $100 / 位（租魚桿+$20），收費詳情（按此）
電話：9671 5420 ／6172 5181
詳情：樂逍遙淡水釣魚場
Facebook：按此
前往方法： 元朗乘33號下白泥專線小巴，或於西鐵天水圍站中途上車，到達門口，車程約20至30分鐘。
想知道元朗仲有咩好玩？可以睇下呢度~
４.水中天休閒釣魚會
水中天休閒釣魚會位於大埔三門仔。魚排四周由木材搭建而成，場地整潔乾淨，環境亦十分舒適，設備齊全。
魚場內除咗有沙巴龍躉、青斑、石斑等海魚可以釣之外，夏天仲會有墨魚、帶子、珍珠螺、扇貝、蜆等等嘅海產提供。
（圖片來源：水中天休閒釣魚會）
值得一提嘅係，漁場爲二十四小時開放，仲有唔同匹數嘅艇仔可供租借，連漁排都提供出租（歡迎查詢）
提提大家，呢度禁止攜帶任何飲品入場，記得喺入場之前，補充足夠水份啊～
地址：大埔三門仔鹽田仔東面漁排（查看地圖）
營業時間：24小時開放
費用：$150 / 位，收費詳情（按此）
電話：6603 2486 / 6064 9890
網站：水中天休閒釣魚會
Facebook：按此
前往方法：從三門仔碼頭乘快艇／大埔墟火車站搭20K專線小巴直達總站，落車後往車尾方向行，直達聯益公眾碼頭。
5.滘西灣休閒垂釣樂園
滘西灣休閒垂釣樂園位於西貢，由西貢公眾碼頭搭船，15分鐘就可到達。
魚排劃分為數個區域，包括垂釣區、兒童網魚樂園等等，如果想一家大細嚟釣魚，呢度一定滿足到你。
（圖片來源：getreadyhk）
（圖片來源：Facebook@KSW 滘西灣休閒垂釣樂園 - 魚排）
就算釣唔到魚都無需灰心，場主特別為大家設立咗養魚場，喺呢度只要幾秒就會有魚上釣，相信新手亦能重拾信心，再次出發！
船飛包埋回程同魚排入場費，非常抵玩！
地址：西貢滘西灣（查看地圖）
營業時間：
平日：09:00 - 17:00
週末、假日：09:00 - 18:00
逢星期三休息
費用：$150 / 位、小童優惠票 $80（只限週末或假日）；寵物船費 $30 / 隻
電話：2792 3000／2719 0060
網站：KSW 滘西灣休閒垂釣樂園 - 魚排
前往方法：西貢市中心步行至碼頭，近長橋舊碼頭，舊碼頭路口邊登船至魚排，船程大約十五分鐘。
除咗釣魚之外，ReUbird 仲有好多假日活動推介，讓你有一個充實又放鬆嘅假期。有興趣嘅可以click以下嘅link睇下~
【假日好去處】10個週末渡假必去方案，展開假日之旅！
【鶴咀】天涯海角最齊全指南｜交通、景觀打卡、路線推介
【半月灣】海灣美如其名，水質清澈如鏡，仿如進入異國渡假沙灘
【香港野餐】最齊20個靚景草地 逐一點評｜鬧市中心、隱世秘境、無敵海景